ردا على موضوع سوالف البنات في الكليه

واحد حديقة بس شنو من حديقة
!!! حتى ثيل ما بيهه !!!
!!! بس تدرون الحديقة ااحسن !!!

؟؟؟؟يعني شنو حديقة ؟؟؟؟
؟؟؟تعرفون منين اجة هذا المصطلح ؟؟؟
اني اكللكم جانوا قبل بالسجن مال ابو غريب وغيرة كل مدة اكو زوار يجون يزورون المسجونين بيوم خاص بالزيارة والي محد يجي عليهه يطلعوه بالحديقة مال سجن وبعد ما يشوف جماعتة المسجونين من يخلص وكت الزيارة راح يسألوهه ها منو اجة عليك اليوم يكول لا والله اني اليوم حديقة يعني جنت بالحديقة
ومن هنا اجة مصطلح حديقة على الي ما عنده احد يسأل عليهه وخاصة من الجنس الناعم
((( نسوان)))
على الاقل من يكون الانسان حديقة يخلص من سوالف البنات الي تفت القلب مع احتراماتي يعني حتكولون شلون اني راح اجاوبكم بمثال حلو :
اول ما واحد يطلع قبولة بالكلية راح يكيف ويجوز يضوج سبحان الله المهم الولد راح ينصحوهه
((جيران + اخو + ابو))
يكلوله النصايح التالية :
1- صير ثكيل
((( يعني شلون يحط طابوكة بجيبة مثلا !!!؟؟؟؟)))
او بيع ثكل
((( مو هو لبلبي)))
2-اشتري هدوم جديدة لتضل مبهذل
(( مو تدري قميصة وارثة من اخوهه وبنطرونة صاير كاحت من ورة الشحط بالساحة مال طوبة و حذائة قبغلي وارثة من ابوهه صاير ابو البوز المرفوع من ورة الطوبة وبنطرونة صاير كلة خيوط وشكاشيك))
(( جمع مشكوك))
من ورة العبرات من فوك سياج المدرسة...
3-صير شاطر اول ايام حتى البنات يجون يحجون وياك
(((لعد شكد مصلحجية خخخخخخخخخخخخخخخخخ لو كسلان محد يباوع بجهرتة)))
والنصيحة الاخيرة الي هي اهم وحدة

دير بالك تحب بنية من قسمك
من يجي الواحد ويطب الكلية اول مرة ويوصل يم القسم اكيد راح ينيشن
(( يلكط _يلكف_يختار))
بنية من قسمة وتعجبة وراها يحاول يسوي كروب

لو يتعرف بالبنية بحجة ملازم لو محاظرة لو خصوصي لو خط لو ....الخ
(((دروب الولد الي ما تخلص ))
وراها جماعتة يكولوله شبيك وية هاي البنية شو مهتم
زايد يكول لا اخوة
((( خلي يولن)))
بعدين المهم اكو ناس تفشل وتعلن التحديق من اول لبسة يعني صار حديقة مو سهلة واكو ناس اتكمل الدرب للاخير يعني شلون كول سوة كروب وياها ماشي وصديقاتهه وجاب صديقه وياه حتى يعاونة بالحجي
((( مو هي برازيلي تريد دفعة حتى يعاونة لو هي عركة !!!)))
ورة مدة يحاول ياخذ رقمهه اذا كلتلة سوري راح اكيد يحس اندعم بلوري!!! وبعدين يزعل وراها ينلبس محد يكله شبيك زعلان ويضل زعلان الى ان يتخرج ويصير حديقة ويستلم الفايل الاخضر بس اذا انطتة الرقم راح يبدي يدز مسجات ويخابر بحجة المحاظرات وهاي السوالف وهي لو ادز رسالة فارغة كال تحبني تموت عليه ويضل عايش بالوهم
ورة مدة يحس روحة كام ما يكدر يعيش بدونهه يعني حبها ونسى النصيحة الابية
(( الابية = الرئيسية))
المهم عاد البينة اكيد ضايجة منة لان لو حتى تكوم تحبه صديقاتهه يفترون عليهه مثل ما افتر خالد بن الوليد على المسلمين يعني :
((( بابة انتي حلوة شلج بهذا اللزكة + بابة لبسيهه ومالج علاقة + هذا شنو ما يحس بنفسة وغف ...الخ)))
وراها بمدة لويصارح وهذا نادر جدا
((( يعني صارت لو مرة بالقطب الشمالي لو ما صارت )))
وبيهه احتمال واحد الي هو ينركع بوري ابو الحنفية بحيث يضل دايخ))))
لو تكله انت مثل اخوية وهو من اختة ضايج
هي مال اخوة ؟؟؟@@!!!!!
لو تجي مخطوبة لو مكبلة
هو راح يكمز ويرعص ويصير مثل حصحص لو يصير مثل الموبايل الطابوكة من تحطة على الرجاج ويكون
امام احد الاحتمالين:
1- لو يغلس ويبلع الي صار وما يبين روحة مكسور
(( هي مال جذب))
وكل ما فاتت وية الكبل لو الخطيب
يضل يكول لجماعتة اني احسن بله لو هذا ال............. وحجاية بكد راسة !!!!
2- يكبل وية بنية لو يسوي كروب حتى يضوجهه
(( يعني وحدة بوحدة خاتل ما خاتل معليه خخخخخخخخ)))
بالحالة الاولى :
يصير حديقة مو سهلة ويكوم يكول وية نفسة لو بس رايح لو بس مصارحهه لو بس لو بس .........الخ وتخلص الكلية وهو يكول لو بس
الحالة الثانية :
من يكبل وية بنية اكيد راح تضو ج منه لان تدري كلبة مو الهه وهو شتكلة يكول ما بية حيل
((هاي من تكلة نمشي نتمشى ))
ما ادري
(( من تكلة وينك الصبح شو ما شفتك ))
واني شعلية
(((من تكلة ابوية يريد يزوجني لابن عمي)))
عادي
(( من تكلة شلوني اليوم حلوة لو لا ))
وهي لو تعوفهه لو تستحملة على سكاطاتة وخبالاتة
(( رجال في اليد خير من عشرة بمفخخة !!!!!!!)))
واذا سوة كروب اكيد ما راح يطول لان يضل صافن وضارب خيال وماكو هيج والجكارة بحلكة والجاي بيدة واغنية الة ابجيهه مال حسام بالموبايل مشغلهه كدام البنات والولد ومن يرجع للبيت يشغل علميني شلون انسى
وبالنهاية يا اخواني واخواتي يتكون الحديقة وذلك بأضافت القليل من الجكاير والجاي والصفنة وشوية ولد دايحين
((حدايق صارلهم مدة ))
وبعد كل هذا يتخرج ويكول ساعة السودة الي بيهه حبيتج ومن يشوف ولد انقبلوا بالجامعة يضل ينصحهم بالنصايح الي ذكرناهه وهكذا تبقى دورة الحياة ماشية
يروح ويتزوج بنت عمة او خالتة ......الخ
يعني وحدة من كرايبة وتكون تشبهه عبسي
خخخخخخخخخخخخ
ها حلوه
سمحوني شباب وصبايا
هاي الظاهرة في الكليات والجامعات

هاي ليش ندى مو احنه خطيه هو اكو افقر من الولد

ندى كل كلامج صحيح ولكن هناك حالات كثيرة انتي لم تذكريها في الموضوع

عاشت ايدك عيوني انت